"Vardanyanın vəzifədən uzaqlaşdırılması yaxşı heç nə vəd etmir" - Mosiyan
"Vardanyanın vəzifədən uzaqlaşdırılması yaxşı heç nə vəd etmir" - Mosiyan
“Ruben Vardanyan “mübarizənin simvolu”na çevrilib, onun vəzifədən uzaqlaşdırılması yaxşı heç nə vəd etmir”.
Xəbər verilir ki, bu barədə qondarma qurumun “siyasətçi”si Artur Mosiyan danışıb.
O, Arayik Arutyunyanın Ruben Vardanyanı niyə dövlət naziri vəzifəsindən azad etdiyini izah edib:
“Bu, Əliyev və Nikolun tələbidir. Mən həmişə demişəm ki, onlar “artsax”ı maraqlandıran istənilən məsələdə sinxron hərəkət edirlər. İnsanlar bunu görmürlərsə, bu, onların günahıdır”, – deyə Mosiyan əlavə edib.
O, Paşinyanın Artsaxı təslim etmək üçün hakimiyyətə gətirildiyini və bundan sonra hamının buna daha çox əmin olduğu fikrini ifadə edib:
“Qorxuram ki, xalq bu bədbəxtliyi qovmasa, yalnız “artsax”la məhdudlaşmayacaq və başqa yerlərdə də belə olacaq. Ermənistan hakimiyyətinin “artsax” və Ermənistanın fundamental hüquqları ilə heç bir əlaqəsi yoxdur. Qısa müddətdə xalq buna əmin olacaq”, – deyə Artur Mosiyan əlavə edib.
Azadsoz.com